АҚТӨБЕ КӨЛІК, БАЙЛАНЫС ЖӘНЕ
ЖАҢА ТЕХНОЛОГИЯЛАР КОЛЛЕДЖІ

Бүгін, 2025 жылы 28 наурыз күні колледж білім алушылары кітапханашы Ж.М. Битимбаеваның жетекшілігімен Н. Байғанин атындағы облыстық балалар кітапханасында «Дін-діңгегіміз, дәстүр-даналығымыз» тақырыбында өткізілген сұқбат алаңына қатысты.
Шара қонағы «Аңсар» орталығының теолог маманы Сапар Саматұлы Саматов қазақтың ұлт ретінде сақталуы әрі рухани жаңғыруы, келешек ұрпақ тәрбиесінің түзелуі -дін мен дәстүрді тең ұстаған жағдайда ғана жүзеге асатынын, жастайынан рухани тұрғыдан мол байлық жинап өскен адам үлкен қызметке келген кезде әділетсіздікке, парақорлыққа ешқашан жол бермейтіндігін жеткізді.
Оқырмандар назарына «Дін тәрбиенің рухани тірегі» атты кітап көрмесі ұсынылып, ислам дінінің құндылығын көрсететін «Иман негіздері», «Ислам мәдениеті», М. Бұлұтайдың «Дін және ұлт», Марфуға Шапиянның «Тұлғалар өміріндегі ислам» және Мәшһүр Жүсіп Көпейұлы, Шаһкәрім Құдайбердіұлы, Абай сияқты көрнекті ақындардың, ғұлама ойшылдардың кітаптары арқылы терең түсінік берілді.

АҚТӨБЕ КӨЛІК, БАЙЛАНЫС ЖӘНЕ ЖАҢА ТЕХНОЛОГИЯЛАР КОЛЛЕДЖІ - КОЛЛЕДЖ БІЛІМ АЛУШЫЛАРЫ ТЕОЛОГ МАМАНМЕН КЕЗДЕСТІ